Леверкузеннинг “Байер” клубида ўйнаётган нигериялик ҳужумчи Виктор Бонифасе фаолиятини Италия чемпионатида давом эттириши мумкин. Бу ҳақда Tuttosport саҳифаларида хабар берилди.
23 ёшли африкалик футболчи билан Туриннинг “Ювентус” клуби қизиқмоқда. "Кекса синьора" раҳбарияти сербиялик Душан Влаховичнинг ўрнига Бонифасе номзодини кўриб чиқмоқда.
Германия Бундеслигасининг жорий мавсумида Виктор 17 та ўйин ўтказиб, ўнта гол ва 7 та голли узатмани амалга оширди. Футболчининг трансфер қиймати 40 миллион еврога баҳоланмоқда.
