"Манчестер Сити" бош мураббийи Пеп Гвардиола Чемпионлар лигаси чорак финали доирасида сешанба куни "Сантьяго Бернабеу"да бўлиб ўтадиган "Реал"га қарши ўйинда дарвозабон Стефан Ортега асосий таркибда майдонга тушишини истисно қилмади.

"Жиддий ўйлашим керак, чунки Эдерсон аллақачон жароҳатдан қайтган ва ўзини яхши ҳис қилмоқда. Агар унга ўйинда ритм етишмаса, мен уни майдонга туширмайман. Биз Ортегадан жуда хурсандмиз, у ажойиб дарвозабон", деди Гвардиола матбуот анжуманида.

Ортега "Манчестер Сити"нинг барча мусобақалардаги сўнгги тўртта ўйинида ўйнади.