Антонио Кассано Массимилиано Аллегрининг "Ювентус"даги фаолиятини танқид қилди.
"Интер" бу мавсумда "Ювентус"дан анча кучлироқ, аммо Аллегри фаолияти ҳақидаги гапи натижаларга асосланган ва уч йил давомида ҳеч нарса ютмаганини ҳисобга олсак, кетиш вақти келди.
У ўтган мавсумда тарк этиши керак эди. "Юве"да 17 нафар терма жамоа ўйинчиси бор, клуб трансферлар учун 160 миллион евро сарфлади, лекин улар бетартиб ўйнашади, ҳатто кетма-кет учта аниқ узатмани ҳам амалга ошира олмайди.
Аллегри "Юве" кучли тўртликка кириши керак, дегани ҳазил. "Болонья"га қаранг улар ажойиб футбол ўйнашади, лекин улар бир ярим млн еврога яқин пул сарфлашди.
"Милан" Крунич, Беннасер, Калабрия ва Калулу билан скудеттони олди, аммо ўша йили "Ювентус" кучлироқ жамоага эга эди. "Наполи" учта асосий ўйинчидан воз кечди, аммо Кварацхелия, Замбо-Ангуисса билан шартнома имзолади ва 20 очкога олдинга ўтиб кетди", деди "Милан", "Реал Мадрид" ва Италия терма жамоасининг собиқ ҳужумчиси.
