"Интер" бош мураббийи Симоне Индзаги Италия А Сериясининг кечаги баҳсида "Удинезе" дарвозасига ғалаба тўпини киритган ярим ҳимоячи Давиде Фраттезининг ўйини ҳақида гапирди.
“Фраттези жамоага яхши мос тушди. Кўраман, у доим ўйнашни хоҳлайди. Давиде бу мавсумда муҳим голларни урди. Масалан, "Верона"га қарши ўйинда. Мен унинг ўйинидан жуда мамнунман”, деди Индзаги матбуот анжуманида.
Фраттези бу мавсумда "Интер"нинг асосий таркиб футболчиси эмас. Италиялик футболчи ушбу чемпионатнинг 25 ўйинида бор-йўғи 620 дақиқа ўйнади, бироқ 5 гол ва 2 голли узатмани амалга оширди.
