"Астон Вилла" ҳужумчиси Николо Дзаньоло ёзда Италия А Сериясига қайтиши мумкин, у аввалроқ "Рома"да ўйнаган. Журналист Марко Контерио хабарига кўра, футболчи Туриннинг "Ювентус" клубига ўтиши мумкин.

Маълум қилинишича, "Кекса синьора"нинг спорт директори Кристиану Жиунтоли "Наполи"да ишлаган даврида Дзаньоло билан мулоқот қилган. Эндиликда мутахассис футболчини ёзда таклиф қилиш керакми ёки йўқми, деган қарорга келиш учун яна футболчи ҳақида маълумот йиғишни бошлади.

Дзаньоло "Астон Вилла"да ижара асосида ўйнайди ва у ҳамон Туркиянинг "Галатасарой" клубига тегишли.