Чоршанба куни "ПСЖ" ва "Барселона" Чемпионлар лигаси чорак финалининг биринчи ўйинида тўқнаш келишади.
Каталония жамоаси бош мураббийи Хави қуръадан кейин парижликлар ҳужумчиси Усмон Дембелега хат ёзганини айтди. Ўтган йили франциялик футболчи "Барселона"дан "ПСЖ"га ўтишга қарор қилганди.
"Усмон Дембеле ва мен қуръа ташлаш маросимидан кейин бир-биримизга хабар жўнатдик. Биз Парижда учрашамиз, деб ёздик. Мен уни жуда ҳурмат қиламан, унинг "ПСЖ"га ўтиш танловини ҳурмат қиламан. Бу унинг учун қийин бўлди", - деди Хави журналистларга.
"ПСЖ" - "Барселона" ўйини 10 апрель куни Тошкент вақти билан соат 23:59да бошланади.
