"Бавария" ҳимоячиси Эрик Дайер фаолиятидаги энг яхши ўйинини ўтказаётгани ва Англия терма жамоасига чақирилишга лойиқ эканини айтди.
Англия терма жамоаси сафида 49 та ўйин ўтказган 30 ёшли Дайер 2022 йил декабрь ойида Қатарда Сенегал устидан қозонилган жаҳон чемпионати 1/8 финалидан бери терма жамоада ўйнамаган.
Январь ойида "Тоттенхэм"ни "Бавария"га алмаштирган Дайер ўзининг клубдаги ўйинидан мамнун ва нега инглиз бош мураббийи Гарет Саутгейт бунга эътибор бермаётганини тушунмаяпти.
"Жаҳон чемпионатидан кейин формада пасайиш бўлди демаган бўлардим. Конте "Тоттенхэм"га келганидан кейин мен фаолиятимдаги энг яхши ўйинни ўйнадим ва ҳозир ҳам шундай қиламан.
Одамлар мени 37 ёшда ёки бошқа нарса деб ўйлашади, лекин мен 30 ёшдаман ва мен чўққининг охирига яқин эмасман. Ўйлайманки, бу менинг чўққим.
Мен Англия терма жамоасининг бир қисми бўлишни хоҳлайман ва унинг бир қисми бўлишим кераклигига ишонаман. Мен керакли даражага жавоб бераман", - деди Дайер BBC билан суҳбатда.
