Карло Анчелотти "Реал"нинг "Манчестер Сити"га қарши ўйинидан (3:3) қониқиш ҳосил қилди.
"Қийин кураш остида кечга тенг ўйин бўлди. Биз юқори босимга эга бўлдик, ҳаммаси яхши ўтди. Биз ўтиш босқичларидан унумли фойдаланишга ҳаракат қилдик.
Биз кутмаган ердан гол бўлди. Лекин биз яхши жавоб қайтардик, 60 дақиқа давомида жуда яхши ўйнадик. Кейин "тўққизлик"дан иккита гол ўтказиб юбордик ва бу зарбаларни қайтаришнинг иложи бўлмади. Менимча, биринчи гол таъсир кўрсатмади.
Тўпга эгалик қилганимизда юқори прессинг ва "шаҳарликлар"га ноқулайлик яратиш учун кучимизни сарфладик.
- Схемангиз билан "Манчестер Сити"ни ҳайратда қолдирдингизми?
- Менимча ҳа. Иккинчи гол аъло даражада киритилди, футболчилар ажойиб ҳаракат қилишди. Чап қанотда Винисиус ва Родриго билан биз вазиятлар яратиш имкониятига эга бўлдик. Мен бахтлиман.
Ўйиндан кейин бироз устунликка эга бўлишини истардим, аммо шунга қарамай хурсанд бўлишимиз керак. Биз курашдик, агар иккинчи ўйинда ҳам шундай ҳаракат қилсак, олдинга ўтишимиз мумкин бўлади" - деди “Реал” бош мураббийи Movistar телеканалида.
