"Бавария" ҳужумчиси Харри Кейн жамоасининг жорий мавсумдаги натижалари ҳақида ўз фикрлари билан ўртоқлашди.
"Тан олишим керакки, мен бундай натижаларни кутмагандим. Биз чемпионликни қўлга кирита олмаслигимиз ачинарли, аммо энди бу турнир биз учун янада муҳимроқ бўлади", - дея Кейн сўзларини келтиради Daily Mail.
"Бавария" либосида ҳужумчи барча турнирларни ҳисобга олган ҳолда 38 учрашувда қатнашиб, 39 та гол урди ва 12 та голли узатмани амалга оширди.
30 ёшли Кейннинг клуб билан шартномаси 2027 йилнинг ўрталарига қадар амал қилади.
