"Бавария" ўзининг расмий ахборот каналларида Серж Гнабрининг жароҳати тафсилотлари билан бўлишди.
Илгари буни немис грандига алоқадор шахслар хабар берганди, аммо ҳозир Сержнинг ташхиси тўлиқ маълум.
"Тиббий текширув Гнабрининг чап сонининг орқа қисмидаги мушак ёрилиши борлигини аниқлади. Футболчининг тикланиш даври аниқлангани йўқ", - дейилади мюнхенликлар матбуот хизматида.
Эслатиб ўтамиз, сешанба куни "Арсенал"га қарши ўйинда Гнабри биринчи бўлимда собиқ жамоаси дарвозасига гол урган эди.
Аммо иккинчи бўлимда ўйинни давом эттира олмади.
