"Bavariya" o‘zining rasmiy axborot kanallarida Serj Gnabrining jarohati tafsilotlari bilan bo‘lishdi.

Ilgari buni nemis grandiga aloqador shaxslar xabar bergandi, ammo hozir Serjning tashxisi to‘liq ma’lum.

"Tibbiy tekshiruv Gnabrining chap sonining orqa qismidagi mushak yorilishi borligini aniqladi. Futbolchining tiklanish davri aniqlangani yo‘q", - deyiladi myunxenliklar matbuot xizmatida.

Eslatib o‘tamiz, seshanba kuni "Arsenal"ga qarshi o‘yinda Gnabri birinchi bo‘limda sobiq jamoasi darvozasiga gol urgan edi.

Ammo ikkinchi bo‘limda o‘yinni davom ettira olmadi.