"Брайтон"да ижара асосида ўйнаётган "Барселона" ҳужумчиси Ансу Фати келаси мавсумни янги жамоада ўтказиши мумкин.
Яқинда маълум бўлишича, "чайқалар" 21 ёшли футболчини ўзида сақлаб қолишдан манфаатдор эмас ва испаниялик учун "Барселона"да жой топилмаслик эҳтимоли катта. Diario AS хабарига кўра, "Севилья" Фати трансферини жиддий ўйламоқда. Андалусия клуби каталонияликлар билан ёш футболчини 2024/25 йилги мавсум охиригача ижарага олиш имкониятини муҳокама қилишга тайёр.
Ансу Фати “Брайтон” сафида 24 та ўйин ўтказиб, 4 та гол ва битта голли узатмани амалга оширди. Форварднинг "Барселона" билан шартномаси 2027 йилгача мўлжалланган.
