Европа лигаси чорак финалининг дастлабки ўйинида "Рома"дан мағлуб бўлган (0:1) "Милан" ярим ҳимоячиси Ясин Адли ўйин ҳақида фикрларини билдирди.
"Иккинчи бўлимда ҳимояни бироз бўш қолдириб, таваккал қилган ҳолда ҳам босимни оширишга ҳаракат қилдик. Имкониятлар бўлди, аммо гол бўлмади. Биринчи бўлимда майдонда тажовузкорлик йўқ эди. Ўйлайманки, жавоб ўйинида биз анча яхши ўйин кўрсата оламиз", - дея Адли сўзларини келтиради pianetamilan.it.
Жавоб ўйини бир ҳафтадан сўнг, келаси пайшанба куни бўлиб ўтади.
