"Барселона"нинг собиқ ярим ҳимоячиси Эммануэль Пети бош мураббий Хавининг Каталония клубидан кетиши ҳақида гапирди.
"Бу шармандалик, чунки у ўтган йили лигада ғолиб чиққан эди. Клуб тарихидаги энг яхши футболчилардан бири. Афсус... Бу лаънати дунёда 99% одамлар хотирасини йўқотган.
Мураббий сифатида сиз ягонасиз, ёнингизда ҳеч ким йўқ. Хави буни билади. Клуб Ла Лига ёки Чемпионлар Лигасида ғалаба қозонган тақдирда ҳам икки ҳафта ичида буни унутиб қўяди.
"Барселона"нинг барча муаммолари майдонда эмас, балки унинг ташқарисида, кўп йиллардан бери яшаб келаётган молиявий аҳволда.
Лекин улар Ла Лигада ғалаба қозонишди, Чемпионлар Лигасига йўлланма олишди, билмайман.
Менимча, Хави клубда қолиши керак. Улар ҳар икки йилда менежерларни алмаштирадилар. Барқарорлик - бу "Барселона"га етишмаяпти", - дея Петининг сўзларини келтирмоқда Football Espana.
