Лондоннинг “Челси” клуби вингери Михаил Мудрик жамоани тарк этмоқчи эмас.
Журналист Экрем Кўнурнинг ижтимоий тармоқларда ёзишича, 23 ёшли футболчи “Челси”да бахтли ва кетиши мумкинлиги ҳақидаги миш-мишларга қарамай, ёзги трансфер ойнасида клубини ўзгартириш ҳақида ўйламаяпти.
Эслатиб ўтамиз, Мудрик ўтган йилнинг январь ойида «Шахтёр»дан «Челси»га 70+30 миллион евро эвазига ўтган эди.
Жорий мавсумда вингер «кўклар» сафида барча турнирларда 33та ўйин ўтказиб, 6та гол ва 3та голли узатмани амалга оширди.
