Чемпионлар лигаси чорак финалининг биринчи ўйинида “ПСЖ” ўз майдонида “Барселона”ни қабул қилиб, 2:3 ҳисобида мағлуб бўлди. Le Parisien нашрининг ёзишича, парижликларнинг асосий юлдузи Килиан Мбаппе натижа ва ўйинидан ниҳоятда норози бўлган.
25 ёшли ҳужумчи Испаниядаги жавоб ўйинидаги бу омадсизликни йўққа чиқариш ниятида. Ўйин келаси ҳафта, аниқроғи 16 апрель куни бўлиб ўтади.
Бу ўйинда ғолиб чиққан жамоа Чемпионлар лигасининг ярим финалига йўл олади. Ярим финал босқичида "ПСЖ" – “Барселона” жуфтлигининг энг яхшиси “Атлетико Мадрид” ёки “Боруссия Дортмунд” билан ўйнайди.
