Каталониянинг "Барселона" клуби бразилиялик вингер Рафиньяни сотиши мумкин. Todofichajes хабарига кўра, "блауграналар" футболчини "Манчестер Юнайтед"дан трансфер қилиш бўйича таклиф олган.
Англия топ-клуби раҳбарияти футболчи учун 90 миллион евро таклиф қилган. Бу миқдор "Барселона"га молиявий аҳволини яхшилашга ёрдам бериши мумкин.
Испания чемпионатининг жорий мавсумида Рафинья 22 учрашувда иштирок этиб, бешта гол урди ва 7та голли узатмани амалга оширди.
Бразилиялик футболчининг "Барселона" билан шартномаси 2027 йилнинг ўрталарига қадар тузилган.
