Лондоннинг “Фулхэм” клуби ҳужумчиси Родриго Муниз март ойида Англия Премьер-лигасининг энг яхши футболчиси деб топилди. 22 ёшли бразилиялик футболчи ўтган ой Англия чемпионатида тўртта ўйинда майдонга тушиб, тўртта гол урди ва битта голли узатмани амалга оширди.
Муниз Бразилиянинг "Фламенго" клуби тарбияланувчиси, Родриго 2021 йилдан бери "Фулхэм"да ўйнамоқда. Жорий мавсумда 22 ёшли ҳужумчи барча турнирларда 27 та ўйин ўтказиб, 9 та гол урди ва битта голли узатмани амалга оширди.
“Фулхэм” жорий мавсум Англия Премьер-лигасининг 32-туридан сўнг 39 очко билан турнир жадвалида 13-ўринда бормоқда.
