"Байер" бош мураббийи Хаби Алонсо бу ҳафта охирида жамоасининг Бундеслигадаги эҳтимолий ғалабаси ҳақида гапирди.
"Агар биз шанба куни диванда ўтириб чемпион бўлсак, бу катта сюрприз бўлади. Ростини айтсам, якшанба куни майдонда бўлганимда ғалабани нишонлашни истардим", - дея Алонсо сўзларини келтиради Sport.es.
28-турдан сўнг “Байер” 76 очко билан Бундеслигада “Бавария”дан 16 очко олдинда бормоқда. Алонси шогирдлари чемпионликни кафолатлаши учун қолган олтита ўйинда фақат битта ғалаба қозониши керак.
14 апрель куни "Байер" Бундеслиганинг 29-тури доирасида "Вердер"ни қабул қилади. Бир кун аввал “Бавария” ўз майдонида “Кёлн”га қарши баҳс олиб боради. Мюнхенликлар ютқазса, шанба куни "Байер" Германия чемпионига айланади.
