"Ливерпуль" ҳужумчиси Луис Диасга "Барселона" қизиқиш билдирмоқда, аммо трансфер деярли амалга оширилмайди. Каталония клуби, миш-мишларга кўра, келаси ёзда "Ливерпуль"ни тарк этиши мумкин бўлган колумбиялик футболчига асосий даъвогарлар қаторига кирди.
Журналист Пип Сьерранинг хабар беришича, "Барселона" бир неча йиллардан бери Диасни сотиб олишга қизиқиб келмоқда, бироқ яқин келажакда футболчини сотиб ололмайди, чунки келишув жиддий молиявий хавфларни келтириб чиқаради. Transfermarkt портали маълумотларига кўра, Луис Диаснинг нархи 75 миллион еврони ташкил қилади.
Яқинда ОАВ 27 ёшли форварднинг "Ливерпуль" билан шартномасини узайтириш нияти ҳақида хабар тарқатди.
