"Манчестер Сити" вингери Жереми Доку бош мураббий Пеп Гвардиола ундан нимани талаб қилаётгани ҳақида гапирди.
Ўтган август ойида "Сити" билан шартнома имзолаган 21 ёшли футболчи ҳужум чизиғидаги жиддий рақобатга қарамай, бу мавсумда жамоада тез-тез асосий таркибда ўйнади.
“Мураббий мен ўзим бўлишимни хоҳлайди. У менга тактикани ўргатади, муайян учрашувда нима қилишимни айтади, лекин энг муҳими, ўзим бўлишимни, оптимал формада бўлишимни ва ўзимнинг энг яхши фазилатларимни – дриблинг ва ҳимоячилардан ўтиб кета олишимни намойиш этишимни хоҳлайди", – деди бельгиялик футболчи.
