"Манчестер Юнайтед" бош мураббийи Эрик тен Хагнинг фикрича, унинг қўл остида клуб трансфер бозорида муваффақиятли иш олиб бормоқда.
Трансфер режалари ҳақидаги саволга нидерландиялик мутахассис 2022 йилнинг ёзида тайинланганидан буён шартнома имзолаган футболчиларни мисол қилиб келтирди.
“Бизнинг трансфер режаларимиз бор, улар орасида сифатли ўйинчиларни харид қилиш ҳам бор. Кўриб турганингиздек, клуб билан шартнома имзолаган футболчилар яхши ўйин кўрсатишмоқда: Андре Онана жуда яхши ҳаракат қилмоқда, Расмус Хойлунднинг улкан иқтидори ва салоҳиятини ҳамма ҳам кўриб турибди, Лисандро Мартинесдан ҳам ҳамма хурсанд эди. Бошқа мисоллар ҳам бор”, деди Тен Хаг “Борнмут”га қарши Премьер-лига учрашуви олдидан берган интервьюсида.
