“Ал-Ҳилол” дарвозабони Ясин Буну ўтган ёзда “Севилья”дан Саудия клубига ўтиш қарори руҳий муаммолар туфайли бўлганини айтди.

“Бу мен эмас эдим. Мен бор кучим билан ҳаракат қилдим, аммо кайфиятим туфайли жамоада қола олмадим. Менга руҳий саломатлигим учун ўзгартириш керак эди. Жамоада бўлмаслигингизни била туриб, ўйнай олмайсиз. Клубга ҳамма нарсани беришда давом этиш учун кучим йўқлигини кўрганимда, кетиш имконига эга бўлдим", - дейди Буну.

Жорий мавсумда Буну барча турнирларда 36та ўйинда иштирок этган бўлиб, шундан 19тасида ўз дарвозасидан гол олиб чиқмади.