"Ювентус" бош мураббийи Массимилиано Аллегри бор эътиборни Чемпионлар лигасига чиқишга қаратиш зарурлигини такрорлашдан чарчамаяпти.
А сериянинг 32-тур учрашувида “бьянконерилар” дербида “Торино”ни мағлуб эта олмади (0:0). Аллегри шогирдлари ҳозирда учинчи ўринда, аммо "Рома" ўйинда ғалаба қозонса, бешинчи ўрин билан фарқ бор-йўғи 5 очкога қисқаради.
“Чемпионлар лигасига чиқиш биз учун асосий нарса. Биз имкон қадар кўпроқ очко олишга ҳаракат қилишимиз керак. Ўйлайманки, муаммони ҳал қилиш учун бизга яна етти очко керак бўлади”, - дейди Аллегри.
