Ўзбекистон U-14 ўсмирлар терма жамоаси Эрон U-14 ўсмирлар терма жамоаси билан ўртоқлик учрашувини ўтказди ва 1:0 ҳисобида ғалаба қозонди.

Темур Олимхўжаев бош мураббийлигидаги Ўзбекистон ўсмирлар терма жамоаси (U-14) Тошкент шаҳрида Эрон ўсмирлар терма жамоаси билан 3та ўртоқлик учрашуви ўтказиши ҳақида аввалроқ хабар берган эдик. 17 март куни иккала терма жамоа ўзаро биринчи маротаба майдонга чиқишди. «ЖАР» ўйингоҳи тегишли бўлган машғулот майдонида бўлиб ўтган биринчи учрашувда Ўзбекистон ўсмирларининг қўли баланд келди. Ўйиннинг 19-дақиқасида Бахром Соатов томонидан киритилган ягона гол ўзбекистонлик ўсмирларга кичик ҳисобдаги ғалабани келтирди.

Хабарингиз бор, Темур Олимхўжаев бошчилигидаги Ўзбекистон U-14 ўсмирлар терма жамоаси 2-8 апрель кунлари Непалда 14 ёшгача бўлган ўсмирлар ўртасидаги Осиё чемпионати саралаш баҳсларида иштирок этиши керак эди. Аммо, ЎФФ Терма жамоалар маркази Мураббийлар кенгаши қарорига кўра Ўзбекистон ўсмирлар терма жамоаси мазкур саралаш баҳсларида иштирок этмайдиган бўлди.

Ўзбекистон ҳамда Эрон ўсмирлар терма жамоалари ўртасидаги иккинчи учрашув 20 март куни ўтказилади. Иккинчи учрашув ҳам «ЖАР» стадионига қарашли машғулот майдонида бўлиб ўтади.

Ўртоқлик учрашуви. 17 март. Тошкент. «ЖАР» стадиони.
Ўзбекистон (U-14) - Эрон (U-14) - 1:0
Гол: Баҳром Соатов (19)
Ўзбекистон U-14: Азизбек Хушбоков, Марлен Кабаков, Шоҳизабон Хайруллаев, Мўйдинов Абубакир, Ғайрат Азизхўжаев, Валерий Акопов, Абдулла Исмоилов, Баҳром Соатов, Иброҳим Данихонов, Собиржонов Асадбек, Фаррух Жўраев
Захирадан майдонга тушганлар: Остон Ўрунов, Шуҳрат Неъматов, Иброҳи Турғунов, Жамол Отажонов.