Италия А Сериясининг 32-тур учрашувлари бўлиб ўтмоқда. "Милан" "Сассуоло" билан ўйинда мағлубиятдан қутулиб қолди - 3:3. Бу захирадан майдонга тушган Ноа Окафор туфайли юз берди - у бурчакдан узатилган тўпни биринчи ҳаракатидаёқ дарвозага жойлаб қўйди.

Маълум бўлишича, швейцариялик футболчи ўзининг "Милан"даги илк мавсумида, захирадан майдонга тушганидан сўнг урилган голлар сони бўйича Италия чемпионатида етакчи ҳисобланади. У бу мавсумда 5 маротаба шундай ишни уддалаган.

Италия А Сериясининг навбатдаги турида “Милан” “Интер” билан ўйнайди. Ушбу муҳим ўйин 22 апрель, душанба куни бўлиб ўтади.