Italiya A Seriyasining 32-tur uchrashuvlari bo‘lib o‘tmoqda. "Milan" "Sassuolo" bilan o‘yinda mag‘lubiyatdan qutulib qoldi - 3:3. Bu zaxiradan maydonga tushgan Noa Okafor tufayli yuz berdi - u burchakdan uzatilgan to‘pni birinchi harakatidayoq darvozaga joylab qo‘ydi.
Ma’lum bo‘lishicha, shveysariyalik futbolchi o‘zining "Milan"dagi ilk mavsumida, zaxiradan maydonga tushganidan so‘ng urilgan gollar soni bo‘yicha Italiya chempionatida yetakchi hisoblanadi. U bu mavsumda 5 marotaba shunday ishni uddalagan.
Italiya A Seriyasining navbatdagi turida “Milan” “Inter” bilan o‘ynaydi. Ushbu muhim o‘yin 22 aprel, dushanba kuni bo‘lib o‘tadi.
