Мюнхеннинг “Бавария” клуби ҳужумчиси Томас Мюллер профессионал футболчилик фаолиятини якунлашга яқин турибди.
Kicker нашри хабарига кўра, 34 ёшли германиялик футболчи фаолиятини 2025 йилнинг ёзида, яъни "Бавария" билан амалдаги меҳнат шартномаси тугаши билан якунлашни режалаштирмоқда. Қайд этилишича, “Бавария” Мюллерга муносиб иш таклиф қилиб, уни клубда сақлаб қолишга ҳаракат қилади.
Эслатиб ўтамиз, ҳужумчи немис гранди таркибида 2009 йилдан буён ўйнаб келмоқда. Жорий мавсумда Мюллер барча турнирларда 35 та учрашувда майдонга тушиб, 5 та гол урди ва 9 та голли узатмани амалга оширди.
