Myunxenning “Bavariya” klubi hujumchisi Tomas Myuller professional futbolchilik faoliyatini yakunlashga yaqin turibdi.
Kicker nashri xabariga ko‘ra, 34 yoshli germaniyalik futbolchi faoliyatini 2025 yilning yozida, ya’ni "Bavariya" bilan amaldagi mehnat shartnomasi tugashi bilan yakunlashni rejalashtirmoqda. Qayd etilishicha, “Bavariya” Myullerga munosib ish taklif qilib, uni klubda saqlab qolishga harakat qiladi.
Eslatib o‘tamiz, hujumchi nemis grandi tarkibida 2009 yildan buyon o‘ynab kelmoqda. Joriy mavsumda Myuller barcha turnirlarda 35 ta uchrashuvda maydonga tushib, 5 ta gol urdi va 9 ta golli uzatmani amalga oshirdi.