"Аталанта" сафида "Милан"дан ижара асосида ҳаракат қилаётган бельгиялик ярим ҳимоячи Шарль Де Кетеларе ўзининг келажаги ҳақида фикр билдирди.
"Аталанта"да ўзимни жуда яхши ҳис қиляпман. “Милан”даги ёмон мавсум менга кўп нарсани ўргатди. Бир қадам орқага ташлаб, кейин яна иккита олдинга ўтишга муваффақ бўлдим. Яхши мавсум сизга кўп нарсани ўргатади, аммо ёмон мавсум сизга ундан ҳам кўпроқ нарсани ўргатади. Мен ҳозир фақат “Аталанта”да кўрсатиши мумкин бўлган услубда ўйнаяпман. Агар бу менга боғлиқ бўлса, мен "Аталанта"да қолмоқчиман", - деди де Кетеларе.
