"Ливерпуль" бош мураббийи Юрген Клоппнинг фикрича, мерсисайдликлар сўнгги пайтларда қўлга киритган ёмон натижалари туфайли ҳақли равишда танқидларга дучор бўлишди.
“Ҳозир бизни сафарда тўртта ўйиндан иборат серия кутиб турибди. Бу қийин бўлади, биз буни биламиз, бу аниқ. Бошқа ҳеч нарса қолмади. Бундай пайтларда танқид қилиш мутлақо адолатли. Ҳаммаси у билан қандай курашишимиз билан боғлиқ. Биринчи бўлимда биз вазиятни унчалик яхши уддалай олмадик, лекин иккинчи бўлимда ўзимизни тўпладик ва ўйинда ғалаба қозонишимиз керак эди. Биз буни қила олмадик. Ҳаммаси шу", - дея Клоппнинг сўзларини келтиради Британиянинг Liverpool Echo интернет нашри.
Англия чемпионатида 32 ўйиндан сўнг “Ливерпуль” 71 очко жамғариб, учинчи ўринда бормоқда.
