Мадриднинг “Атлетико” клуби ярим ҳимоячиси Аксель Витсель Дортмунднинг “Боруссия”сига қарши Чемпионлар лигаси 1/4 финал жавоб учрашуви ҳақида гапирди.
Биринчи ўйин 2:1 ҳисобида "Атлетико"нинг ғалабаси билан якунланган.
"Мен эртанги ўйин ҳақида ўйлаяпман, биз ўйинма-ўйин ўсамиз, бу энг муҳими. Ярим финал бўладими ёки йўқми, деб ўйлаб ўтирганим йўқ. Олдинга ўтиш учун ажойиб ўйин ўтказишимиз керак холос.
Биринчи ўйиндагидек, уйдаги каби шиддатни кўрсатишимиз керак. Бу ҳал қилувчи баҳс бўлади. Улар кучли бошлашади, биз бу шиддатни кўрсатишимиз керак", - дея Витселнинг сўзларини келтиради Mundo Deportivo.
