Ўзбекистон U-23 терма жамоаси эртага Осиё кубогидаги юришларини Малайзияга қарши ўйин билан бошлайди. Мазкур ўйинда футболчиларимиз тўлиқ оқ либосда ҳаракатланади.
Учрашувни эса иорданиялик ҳакамлар бригадаси бошқариб боради. Бош ҳакам — Аҳмад Файсал Муҳаммад Алали, унга қанотларда ҳамюртлари Айман Файсал Ҳамзе Обейдат ва Аҳмад Мансур Самара Муҳсен ёрдам беради. 4-расмий ҳакам вазифаси Кимура Ҳироюкига (Япония) топширилган. Абдуллоҳ Дафер Ал Шеҳри (Саудия Арабистони) эса ВАРда фаолият олиб боради.
Эслатиб ўтамиз, Ўзбекистон — Малайзия ўртасидаги ўйин 17 апрель соат 18:00 да старт олади.
