Душанба куни Испания Ла Лигасида "Осасуна" ва "Валенсия" клублари тўқнаш келишди. "Кўршапалаклар" минимал ҳисобдаги ғалабани тортиб олишга муваффақ бўлишди.
Учрашувнинг асосий эпизоди сўнггида содир бўлди. Ўшанда "Осасуна" жамоасининг тажрибали футболчиси Анте Будимир пенальти тепиш ва ҳисобни тенглаштириш учун нуқтага яқинлашди. Аммо у бу мавсумда топ чемпионатлар орасида, эҳтимол, энг кулгили пенальтини амалга оширди.
Бироқ сешанба куни маълум бўлишича, Будимир пенальтини учта қовурғаси синган ҳолда амалга оширди. Бу ҳақда "Осасуна" матбуот хизмати хабар бермоқда. Футболчи кейинги текширувгача кузатув ва оғриқни даволаш учун Наварра университети касалхонасига ётқизилди.
