Dushanba kuni Ispaniya La Ligasida "Osasuna" va "Valensiya" klublari to‘qnash kelishdi. "Ko‘rshapalaklar" minimal hisobdagi g‘alabani tortib olishga muvaffaq bo‘lishdi.
Uchrashuvning asosiy epizodi so‘nggida sodir bo‘ldi. O‘shanda "Osasuna" jamoasining tajribali futbolchisi Ante Budimir penalti tepish va hisobni tenglashtirish uchun nuqtaga yaqinlashdi. Ammo u bu mavsumda top chempionatlar orasida, ehtimol, eng kulgili penaltini amalga oshirdi.
Biroq seshanba kuni ma’lum bo‘lishicha, Budimir penaltini uchta qovurg‘asi singan holda amalga oshirdi. Bu haqda "Osasuna" matbuot xizmati xabar bermoqda. Futbolchi keyingi tekshiruvgacha kuzatuv va og‘riqni davolash uchun Navarra universiteti kasalxonasiga yotqizildi.
