"Бавария" ҳужумчиси Харри Кейн Чемпионлар лигаси чорак финали жавоб учрашувида "Арсенал" устидан қозонилган ғалаба (1:0) ҳақида фикр билдирди.
“Ақл бовар қилмайдиган ғалаба. Бу қийин мавсум бўлмоқда ва баъзида биз курашишимиз ва сабр қилишимиз керак. Бугун худди шундай ҳолат бўлди. Биз қийин ўйин бўлишини билардик, лекин ўз уйимизда вазиятни ўзгартира олишимизга ишонгандик.
Киммих ажойиб гол урди. У асосий нарсани қилди - у биз учун вазиятни ўзгартирди. Бу голдан кейин биз фақат ҳимояланиш ва дарвозани "қулфлаб қўйишимиз" керак эди. Ярим финалга чиқиш биз учун катта ютуқ. Биз бу муваффақиятдан баҳраманд бўлишимиз мумкин", - дея Кейннинг сўзларини келтиради УЕФА матбуот хизмати.