Англия кубоги регламенти кейинги мавсумдан бошлаб ўзгаради.

BBC сайтида хабар қилинганидек, мусобақада дуранг қайд этилган тақдирда энди такрорий ўйинлар ўтказилмайди.

Бундан ташқари, 2024/2025 йилги мавсумдан бошлаб Англия кубогининг барча босқичлари дам олиш кунларида ўтказилади. Илгари турнирнинг айрим турлари ҳафта ўртасида бўлиб ўтганди. Қайд этилишича, Англия кубоги финали Премьер-лига мавсумининг сўнгги дам олиш кунларида бўлиб ўтади.

Ушбу ва бошқа ўзгаришлар Футбол ассоциацияси ва Премьер-лига ўртасидаги янги олти йиллик шартномага мувофиқ амалга оширилади.