"Милан" бош мураббийи Стефано Пиоли Европа лигаси 1/4 финали жавоб учрашувида "Рома"дан учралган мағлубият (1:2) ҳақида фикр билдирди.
“Ҳаммамиз ҳафсаламиз пир бўлди. Аммо иккита ўйиннинг бирортасида ҳам ўз савиямизда ўйнай олмаганимиз учун муносиб тарзда турнирдан чиқиб кетдик. Ҳар қандай ўйинда ютқазиш ёқимсиз. Биз қайтишга ҳаракат қилдик ва Лофтус-Чик туфайли ҳисобни тенглаштиришимиз мумкин эди.
Аммо қарама-қаршилик ривожини ўзгартириш учун бизда етарлича шиддат ва маҳорат етишмади. Уларда учта имконият бўлди ва иккитасидан фойдаланишди", - дея Пиоли сўзларидан иқтибос келтиради УЕФА матбуот хизмати.
