"Фиорентина"нинг голидан сўнг хурсандчилиги ичига сиғмаган Винченцо Итальяно журналист қизни ўпиб юборди.
Италия клуби Конференциялар лигаси чорак финал жавоб ўйинида “Виктория Плзен”ни мағлуб этди (2:0) ва турнирнинг ярим финалига йўл олди.
Учрашувнинг асосий вақти 0:0 ҳисобида якунланди, бироқ қўшимча бўлимнинг иккинчи дақиқасидаёқ голни “бинафшаранглилар” ҳужумчиси Николас Гонсалес киритди.
Бу гол жамоа бош мураббийи Винченцо Итальянонинг кескин муносабатига сабаб бўлди ва у хурсандчилик билан мухлисларни қучоқлаб югурди ва шундан сўнг четда турган Sky Sports журналисти Ванесса Леонардини ўпди.
Эслатиб ўтамиз, Леонарди спорт шарҳловчиси Маурицио Компагнони билан турмуш қурган. Итальяно уйланган ва икки фарзанди бор.
