"Fiorentina"ning golidan so‘ng xursandchiligi ichiga sig‘magan Vinchenso Italyano jurnalist qizni o‘pib yubordi.
Italiya klubi Konferensiyalar ligasi chorak final javob o‘yinida “Viktoriya Plzen”ni mag‘lub etdi (2:0) va turnirning yarim finaliga yo‘l oldi.
Uchrashuvning asosiy vaqti 0:0 hisobida yakunlandi, biroq qo‘shimcha bo‘limning ikkinchi daqiqasidayoq golni “binafsharanglilar” hujumchisi Nikolas Gonsales kiritdi.
Bu gol jamoa bosh murabbiyi Vinchenso Italyanoning keskin munosabatiga sabab bo‘ldi va u xursandchilik bilan muxlislarni quchoqlab yugurdi va shundan so‘ng chetda turgan Sky Sports jurnalisti Vanessa Leonardini o‘pdi.
Eslatib o‘tamiz, Leonardi sport sharhlovchisi Maurisio Kompagnoni bilan turmush qurgan. Italyano uylangan va ikki farzandi bor.
