"РБ Лейпциг" ярим ҳимоячиси Дани Ольмо "Барселона"нинг ёзги трансфер мақсадларидан бирига айланди.
Куни кеча "кўк-анорранглилар" спорт директори Деку ва футболчи вакиллари ўртасида учрашув бўлиб ўтгани маълум бўлганди. Журналист Ферран Мартинеснинг янгиланган маълумотларига кўра, "Барселона" Ольмонинг агентларига ёзда трансферни амалга ошириш нияти ҳақида маълум қилган. Футболчининг ўзи бу трансферга қизиқмоқда, томонлар келишув устида иш бошлашган.
25 ёшли футболчининг шартномасида товон пули 60 миллион евро, "Transfermarkt" портали эса унинг нархини 50 миллион евро деб баҳоламоқда.
