"Манчестер Сити" бош мураббийи Пеп Гвардиола бўлажак ўйиндаги рақиб - Лондоннинг "Челси" жамоаси ҳақида гапирди.
Жамоалар шанба куни Англия кубоги ярим финали доирасида тўқнаш келишади. Учрашувнинг бошланиши Тошкент вақти билан 21:15 га белгиланган.
“Бу мавсумда биз “Челси” қанчалик кучли эканлигини икки марта гувоҳ бўлдик. Бу жамоа ҳужумда жиддий муаммолар келтириб чиқаради ва Коул [Палмер] бу мавсумда кўп жиҳатларда ҳал қилувчи роль ўйнади. "Челси"га қарши ўйнаш жуда қийин ва биз бу ўйинга қандай вазиятда бораётганимизни ҳамма билади", - дейди Гвардиола.
