Мадриднинг “Реал” клуби Начо Фернандес ўрнига янги марказий ҳимоячи сотиб олади.
34 ёшли футболчи июнь ойига қадар амал қиладиган шартномаси якунланганидан сўнг клубни тарк этишга қарор қилди. Журналист Хосе Феликс Диаснинг сўзларига кўра, "Реал Мадрид" Начонинг кетишини олдиндан билган, шунинг учун улар "Лилль" марказий ҳимоячиси Лени Йоро билан шартнома имзолаш устида иш бошлашган. "Қаймоқранглилар" 18 ёшли ўсиб бораётган юлдуз учун "ПСЖ" билан рақобатлашиши керак, аммо французнинг ўзи, миш-мишларга кўра, "Реал"да ўйнашни хоҳлайди.
Transfermarkt портали маълумотларига кўра, Лени Йоронинг нархи 40 миллион еврони ташкил қилади. 18 ёшида ҳимоячи "Лилль"нинг асосий таркибида 55 та ўйин ўтказган.
