"Наполи" Антонио Контени мураббий сифатида таклиф қилиши мумкин.
il Mattino хабарига кўра, "Наполи" мураббийлигига номзодлар орасида Антонио Конте, "Аталанта"дан Жан-Пьеро Гасперини ва "Фиорентина"дан Винченцо Итальяно бор.
"Наполи" Контени тайинлаш устида фаол ишламоқда, чунки улар Франческо Кальцона ўрнига таниқли мураббий келишини хоҳлашади. Антониога клуб йилига 8 миллион евролик 3 йиллик шартнома таклиф қилишга тайёр. "Ювентус", "Интер" ва "Тоттенхэм"нинг собиқ мураббийига бу таклиф ҳақида ўйлаш учун вақт керак.
"Наполи"нинг рўйхатида яна жорий мавсумда "Аталанта"ни Европа лигаси ярим финалига олиб чиққан Гасперини ҳам бор.
Неаполликлар мавсум охирида "Милан"дан кетиши мумкин бўлган Стефано Пиолини ҳам таклиф этиш масаласини кўриб чиқади.
"Наполи" ҳозирда А Серия турнир жадвалида 8-ўринда бормоқда.
