"Челси" бош мураббийи Маурисио Почеттино еврокубоклар учун кураш ҳақидаги саволга жавоб берди. Лондонликлар Англия кубоги орқали Европа йўлланмасини қўлга киритиш имкониятини қўлдан бой бериб, ярим финалда “Манчестер Сити”га имкониятни бой беришди (0:1).
“Кўклар” АПЛда 9-ўринда, “Вест Хэм”дан икки очко, “Манчестер Юнайтед” ва “Ньюкасл”дан 3 очко ортда қолмоқда.
“Бизнинг барча эътиборимиз сешанба куни бўладиган (“Арсенал”га қарши) ўйинга қаратилган. Олдинда кўп ўйинлар қолмади ва бизни жуда қийин жанг кутмоқда. Албатта, биз ўз йўлига қайтишимиз ва еврокубоклар саралашига яқинлашиш учун имкон қадар кўпроқ лига ўйинларида ғалаба қозонишимиз керак", - деди Почеттино ўйиндан кейинги интервюсида.
