"Манчестер Сити" ярим ҳимоячиси Кевин Де Брюйне Англия кубоги финалига чиққанидан сўнг ўз фикрларини билдириб ўтди. 20 апрель куни Пеп Гвардиола шогирдлари "Челси"ни минимал 1:0 ҳисобида мағлуб этишди.
"Мен жуда чарчадим, бу оғир ҳафта бўлди. Жамоа чоршанба куни "Реал Мадрид"га қарши қийин ўйиндан сўнг характер кўрсатди. Бу ерга келиб, шундай ўйнаш ақл бовар қилмайди", деди Кевин.
Жорий мавсумда 32 ёшли бельгиялик барча мусобақаларда 19 та учрашувда иштирок этиб, 5 та гол урди ва 14 та голли узатмани амалга оширди.
