Роттердамнинг "Фейеноорд" клуби марказий ҳужумчиси Сантьяго Хименес жорий мавсум охирида Туманли Альбионга ўтиши мумкин. Goal порталига маълум бўлишича, Лондоннинг "Арсенал" клуби ҳужум чизиғини мустаҳкамлаш ниятида у билан шартнома имзоламоқчи.

Футболчига “канонирлар”дан ташқари Туриннинг “Ювентус” клуби ҳам қизиқиш билдирмоқда. Хименеснинг ўзи фаолиятининг янги босқичини бошлашга тайёр.

Нидерландия чемпионатининг жорий мавсумида 23 ёшли тўпурар юқори ўйин намойиш этмоқда. Сантьяго “Фейеноорд” сафида 29 та ўйин ўтказиб, 21 та гол урди ва 5 та голли узатмани амалга оширди.