Rotterdamning "Feyenoord" klubi markaziy hujumchisi Santyago Ximenes joriy mavsum oxirida Tumanli Albionga o‘tishi mumkin. Goal portaliga ma’lum bo‘lishicha, Londonning "Arsenal" klubi hujum chizig‘ini mustahkamlash niyatida u bilan shartnoma imzolamoqchi.

Futbolchiga “kanonirlar”dan tashqari Turinning “Yuventus” klubi ham qiziqish bildirmoqda. Ximenesning o‘zi faoliyatining yangi bosqichini boshlashga tayyor.

Niderlandiya chempionatining joriy mavsumida 23 yoshli to‘purar yuqori o‘yin namoyish etmoqda. Santyago “Feyenoord” safida 29 ta o‘yin o‘tkazib, 21 ta gol urdi va 5 ta golli uzatmani amalga oshirdi.