Дунёнинг энг яхши ёш футболчиси учун бериладиган нуфузли Golden Boy мукофотига номзодлар эълон қилинди. Мутахассислар “Барселона”даги ёш истеъдод эгаси Ламин Ямалга ғалаба қозониш учун энг катта имкониятни беришяпти. Бугун нуфузли мукофот совриндорларининг кейинги йиллардаги тақдири қандай кечганини таҳлил қилиб кўрамиз.
Ғолиблар қаторида Месси ва Мбаппе ҳам бор
Golden Boy тарихи 2003 йилдан бошланади. Қарийб йигирма йиллик тарихда энг яхши ёш футболчи учун совринни Лионель Месси (2005) ва Килиан Мбаппе (2017) қўлга киритган. Испанлар энг кўп ғалаба қозонганлар: Сеск Фабрегас (2006), Иско (2012), Педри (2021) ва Гави (2022). Клублар орасида “Манчестер Юнайтед” етакчилик қилмоқда. Турли йилларда унинг учта вакили (Руни, Андерсон ва Марсиял) совринни қўлга киритган.
Беллингем ва Холанд энг яхшиси
2019 йилда дунёнинг энг яхши ёш футболчиси соврини португалиялик Жоау Феликсга насиб этди. “Бенфика”дан “Атлетико Мадрид”га 127 миллион евро эвазига ўтган йигит ҳақиқатан ҳам ўз қобилияти ва истеъдоди билан ҳаммани лол қолдирди. Афтидан, Португалия Криштиану Роналдуни бемалол нафақага юбориши мумкин эди. Аммо ҳар йили Феликснинг ўйин кўрсаткичи ёмонлашди ва барчаси футболчининг ўзи талаб қилган "Барселона"га ижарага берилиши билан якунланди.
Каталония ўз истеъдоди билан машҳур. Бунга 2022 йилда совринини қўлга киритган Гави клуб тарбияланувчиси эканлигини мисол қилиб келтириш мумкин. Совринни олгандан сўнг, ярим ҳимоячи жуда яхши ҳаракат қиляпти, аммо 2023 йил ноябрь ойида тиззасидан жароҳат олди, бу эса уни мавсумнинг қолган қисмини ўтказиб юборишга мажбур қилди. Педри бу мавсумда ҳам яхши ишламаяпти. 2021 йилнинг энг яхши ёш футболчиси соврини совриндори трансфер қийматидан 20 миллион евро йўқотди. Икки голга қарши учта сариқ карточка трансфер қийматининг пасайишига олиб келди.
Эрлинг Холанд (2020) ва ўтган йилги ғолиб Жуд Беллингем мукофотларнинг ҳақиқийлигини исботлайди. Норвегиялик футболчи жорий мавсумда барча турнирларда ҳар бир гол учун 100 дақиқа вақт сарфлайди ва совринни қўлга киритганидан бери унинг нархи деярли икки бараварга ошган - 110 дан 180 миллион еврогача.
Беллингем ўзининг бешта профессионал мавсумининг энг яхшисини ўтказмоқда ва аллақачон 20 гол даражасидан ошиб кетди. Агар у “Реал” билан Ла Лига ва Чемпионлар Лигасида, Англия терма жамоаси билан Европа чемпионатида муваффақият қозонса, Беллингем замонамизнинг энг қиммат футболчисига айланиши мумкин.
