Каталониянинг "Барселона" клуби марказий ҳимоячи Рональд Араухонинг эҳтимолий трансферини муҳокама қилмоқда. Diario Sport хабарига кўра, "блауграна" уругвайлик футболчини сотишдан тахминан 100 миллион евро ишлаб олишни кутмоқда.

Аввалроқ матбуотда 25 ёшли футболчига асосий даъвогар "Бавария" эканлиги ҳақида хабарлар тарқалган эди. Араухонинг жамоа билан тузилган меҳнат шартномаси 2026 йилнинг ёзига қадар амал қилади.

Transfermarkt унинг нархини 70 миллион еврога баҳоламоқда. Испания чемпионатининг жорий мавсумида Рональд 21 ўйин ўтказиб, битта гол урди ва бешта сариқ карточка олди.